رسميا إعتزال صلاح أمين كرة القدم حيث قرر اللاعب صلاح أمين إعتزاله كرة القدم وتوديعه للملاعب بصفة نهائية وجاء ذلك خلال نشره قرار الاعتزال رسميا علي موقع التواصل الاجتماعي فيس بوك عبر حسابه الرسمي حيث كتب قائلا :
مشوار طويل جداً وسنين لعب كتيرة جداً ، لبست تيشرتات أندية كتير وإتشرفت باللعب تحت قيادة مدربين محترمين وزاملت لعيبة محترمة كتير ، لكن أكيد مهما طال عُمر لاعب الكورة هيجي وقت ولازم يعتزل ، هيجي وقت وهيبقي مسئول لكن مش جوة الملعب ، الوقت ده جه دلوقتي ، قررت أعتزل وحاسس إني أديت مهمتي كلاعب كرة قدم علي أكمل وجه ، عمري ماكنت بتاع مشاكل ولا عمري أذيت لاعب ، كنت دايما بحب الخير لزمايلي المهاجمين قبل المدافعين ،
رسميا إعتزال صلاح أمين كرة القدم
وأضاف” صلاح أمين قائلا “عايز أشكر كل نادي تواجدت فيه وإتشرفت باللعب فيه ، عايز أشكر كل لاعب زاملته ، عايز أشكر كل لاعب كان منافس ليا في الفرق الأخري ،عايز أشكر كل إعلامي إتكلم عليا سواء إنتقدني أو مدحني ، وطبعاً بشكر كل جماهير مصر اللي كانت خير دعم وسند وكنت بشوف مظاهر الحب في كلامهم ونظراتهم بالرغم من إني ملعبتش أهلي وزمالك ، في النهاية تركت الملعب كلاعب ودلوقتي بقيت مدرب و إن شاء الله أقدر أعمل حاجة كويسة في اللي جاي … إدعولي
